prizes

Last Monday, at about 6:00 o’clock  in the evening, the condominium  guard delivered an LBC  package  to the office.   I was all  smiles to receive  the package, the contents of which have been  previously posted in the Base Contest  blogpost  hehehe.

Everybody was all eyes on the package as i opened it.  Here are the prizes I won as “Grand Base  Awards Champion -Ultimate Winner”  in Fr. Felmar  C. Fiel’s  First Base Contest Awards:

And here’s the handwritten dedication by Fr. Fiel found on the first  page  of the book:

The text reads:

“Taribong,

Congratulations and thank you for being part of the BASE AWARDS 2009.  You are a wonderful person.  Continue being a blessing to your family and to other people.  Merry Christmas!

In the Divine Word,

(sgd.) FR.   FELMAR CASTRODES FIEL,  SVD”

Finally receiving the prizes/presents made me so ecstatic and elated amid the chaos  of year-end office work.  My officemates (including the bosses) were filled with envy (sort of) as they could not believe i really won.  They said my “addiction” paid  well,  and the Bible diary is needed to jumpstart my “rehabilitation” hehehe.

*     *     *

From the bottom of my heart to the vast expanse of my mind’s  imagination,  nurtured by the cool breeze from  the mountains of the Cordilleras which brought me to the urban jungle of Metro Manila,  sending  0’s and 1’s in bits and bytes crossing over the internet highway to the beautiful  island of Olutanga in Zamboanga Sibugay,   my sincerest gratitude to  Fr. Felmar C. Fiel for the honor and privilege of being part of  Base  Awards  2009, especially for the prizes which prompted  me to  compose  this English haiku:

Clicked fast for  the base

Clad in royal malong,  read

Against cold and storm.

To all fellow basers  and bloggers, salamat sa pakikiisa  sa  base  awards 2009 at naging  matagumpay ito.    Congratulations sa ating lahat.  Para sa  mas matagal at mas  mayabong na pagkakaibigan.  Mabuhay tayong lahat!!!

Ang Unang textBase

Pasado alas dos pa lang ng madaling araw, bumangon  ako  sa  aking  higaan.  Sa  susunod na kalahating oras ay hindi na ulit ako makakatulog.  Mga pahiwatig daw ng pagtanda,  ewan ko kung totoo.

Binuksan ko ang  ilaw at kinuha ang aking cellphone mula  sa bulsa ng aking  pantalong nakasabit sa dingding.  Walang bagong text messages.  Napagpasyahan ko na tanggalin na lang ang mga hindi mahalaga o hindi kaaya-ayang text messages.

Mga dalawampung text messages na ang  aking na-delete nang  mabasa ko ulit ang text message ni Fr. Fiel:   “Oha! Plus 50!”

Napangiti ako at mabilis kong pinuntahan ang unang text base  entry na aking pinadala sa kanya: “We are saved  by hope.” (Romans 8:24)  >Taribong po ito father

Ano nga kaya ang kahulugan nun?

Unang naisip ko si Pandora.  Hindi ba’t sa kanya ipinagkatiwala ang kahon na bawal buksan.  Sa kanyang pagsuway, humulagpos mula sa kahon ang iba’t ibang kasamaan sa tao.  Naiwan sa  kahon ang  isang  katangian:  pag-asa.

Pangalawa  kong naisip  ang tv feature noong Miyerkules.   Nabanggit  ni Jim Paredes  na ang mga higit na nakaka-survive sa   mga refugee camps o  evacuation  centers  sa  iba’t  ibang bansa ay ang mga  taong may vision para  sa future.

Ang mga napinsala kaya ng bagyo,  ganon  din? Ang mga nakahimpil sa  kanilang bubungan at umaasa na humupa na ang ulan at pagbaha.  Silang mga nagdarasal na sana ang mga  sasaklolo ay dumating na.  Silang mga naghihintay ng tulong kahit pamatid-gutom man lamang.  Hangad  kong  makaligtas sila  sa  pagsubok na dinaranas.

Gaano man kalaki ang hirap ng bawat isa sa atin, magpapatuloy pa rin ang pag-ikot ng mundo.  Hanggang may buhay ay may pag-asang  makakaahon  pa rin.  Manalig lamang tayo sa Kanya.

Ah, ang tao at ang kalikasan.

Ang tao at ang kanyang Diyos.

Higit na maipaliliwanag ni Father Fiel ang mga ito.  Ahem, ang layo na nga ang narating ng base awards  ni father.

Ngunit  teka,  “tayo ay maliligtas ng PAGASA”.  Hindi  ba’t hindi  inasahan ang  dami ng tubig na ibinuhos ng Bagyong Ondoy dahil  sa  kakulangan ng kagamitan ng  ahensiya?    Kung naging maagap lang  ang pamahalaan sa   pagkakaroon ng  Doppler radar ng PAGASA . . .

Lumalakas na ang hangin mula sa labas.  Paparating na nga  ang  bagyong Pepeng,   dala  ay panibagong  pagsubok.

Dinadalaw ulit ako ng  antok.

Sana’y hindi  tayo mawalan ng pag-asa.

Hello world! At ang di-inaasahang pagBASE

Kaninang  umaga,   hinihintay kong dumating ang anumang text message  patungkol  sa aking appointment sa Marikina City.  Bagaman batid ko na ang naranasang pagbaha sa lugar dulot ng nagdaang bagyong Ondoy at malamang hindi na matutuloy ang appointment ko,  umaasa pa  rin ako na maski papano, sana ay matuloy na rin ito sa wakas.

Mataas na ang araw nang pumunta ako sa  opisina.   Hindi na nga matutuloy ang appointment.   Ipinagdasal  ko na  lamang na ang aking mga ka-appointment ay nasa mabuting kalagayan, at  ang buong Marikina ay maging  maayos na  at mabilis na makabawi mula  sa   krisis upang sa gayon ang aking appointments doon ay matuloy na rin.

Mabilis kong natapos ang  ilang papel sa aking mesa.  Konti lang ito kung tutuusin sa nagkapatong-patong nang gawain.  Sumaglit ako  sa  ilang    websites ng mga  pahayagan at mga telebisyon upang alamin ang mga nagbabagang balita.  Kalunos-lunos  ang kalagayan ng  ating mga kababayan.

Bumisita ako sa bahay-blog ni Fr.  Fiel upang tingnan kung may bago  at kung sakali ay gumala rito sa kanyang mga nasulat na at hindi ko pa  nababasa.   Minsan kasi sa kanyang blog ay nakapupulot ako ng aral,  tuwa at inspirasyon.  Dati,   hindi ako  madalas na   nagagawi sa  kanyang blog,  liban na lang noong ginawan niya ng video  presentation sina bonistation at pinkdiaries.  Ang  kinatuwaan ko sa dalawa sa  kanilang blog marahil ay kinatuwaan  din ni Fr. Fiel  para siya makagawa ng isang astig na upload sa youtube.   Nag-comment pa nga ako dun hehehehe.

Hindi pa  ako nakaka-base  sa blog ni Fr.   Fiel, hindi tulad  nina  boypulubi at  topexpress na parating nakaka-base  at nangunguna na sa pa-contest. Nag-comment na  si livingstain sa naunang blog ni father. Naisip  ko  madami na ngang nag-aabang sa base awards.   Sinundan ni topexpess  ang comment  ni livingstain,  at  matutulog na daw siya dahil galing pa siya sa duty at muntik madapa.    Hahaha, the game is on nga sa bahay-blog ni Father.

Bumaba ako ng building  at kumain  sandali.  Pagbalik ko sa office, naidlip muna ako sandali.  Dahil  wala pa ang aking mga ka-opisina dahil  may pinuntahan,  masarap ang  pag-idlip ko.  Nasambit ko,  sana  maka-place  din ako sa Base  Awards   maski papano.  May tsansa ako dahil natulog na din  si topexpress.

Marahil  ay nagising ako sa aking pag-idlip  nang malapit na akong humilik (o kaya ay dahil sa ginising ako ng aking guardian angel!).  Medyo inunat ko ang aking leeg at umayos sa aking upuan.

Bago ko muling simulan ang aking trabaho, ni-refresh ko ang site ni Fr.  fiel, na naiwan ko.  May bagong entry!!! Hindi ako makapaniwala,  mauuna ako sa mga nag-aabang.  Ti-nype ko ang base  at  mga   ilang kinailangang  detalye.

At sa hindi pa   ako   talaga  makapaniwala,  ni-refresh ko ulit,  at tinanong  kung base nga ako kay father!  Naniwala  na lamang ako nang sumagot  ang baby priest.    Mapagbigay talaga ang Lumikha!

Ayos!!! First Base  ako at  may 100 points.   Ito  ang  simula  ng aking  muling pag-antabay sa susunod na posts…

Sana, maka-place  ulit. At   sana, di ako mahuli ng boss  ko  kung sakaling hindi  ko pa natatapos ang mga gawain sa mesa ko hehehehehhe (Di bale,  tatapusin ko muna ang mga ito  bago pa man dumating ang mga araw ng  pag-aabang.)